Apat na tao sa iisang Kwadro!

Sa Aking Sarili 07/25/2008
 

Lagi na lang akong tulala at laging may iniisip. Minsan naisip ko, ako nga ba’y isang baliw??! Naglalakad sa kalye na wala sa sarili, at hindi ko na alam ang aking patutunguhan. Parang gusto ko nang ipikit ang aking mga mata at pagpantayin ang aking mga paa. Minsan gusto ko nang magtago at baka sakaling makalimutan ka pero kahit anong gawin, naiisip ka.

Lahat ng paraan ay ginawa na, pero bakit hindi pa rin kita maalis sa aking isipan. Sa tuwing naaalala ka, ako’y nasasaktan lamang, pagka't hindi ko na alam kung nasaan ka. Wala na akong balita pa sa’yo simula ng inilayo ka ng mga magulang mo. Parang ngayon ko lang naisip na hindi mo ako mahal. HINDI MO AKO MAHAL! Yan ang aking laging isinisigaw… Pagkatapos mong lumayo at ako ay iwan.

Gusto ko nang magpahinga! Gusto ko nang magpahinga! Gusto ko nang magpahinga para makalimutan ka. Nakataas ang aking mga kamay habang pauli't-uli't na binabanggit ang pangalan ng aking mahal. “Mahal patawarin mo ako! Patawarin mo, Patawarin mo!” Hirap na ang aking kalooban ganun din ang aking isipan. Sa pagpikit ng aking mga mata, kasabay ay panalangin, panalangin na sanay hindi na ako magising.

Nang muling mamulat, nakita ko ang mukha ng aking sinta, habang sya sa akin ay nakayakap. Aking pabulong na binibigkas, “AKALA KO’Y HINDI KA NA BABALIK AKING SINTA”. Narinig kong sinabi nyang mahal na mahal kita. Sumisikip ang aking dibdib, sumisikip ang aking dibdib! Hindi ako makahinga! Hindi ako makahinga! Patuloy ang pagluha ng aking mahal.

Ano bang ginawa mo?! Pasigaw na sambit ng aking mahal. Pilit akong ginigising, pilit akong ginigising! Pilit nya akong ginigising sa aking pagkahimlay. Hindi na ako makasalita! Hindi na ako makagalaw! Nararamdaman kong nanlalamig ang aking buong katawan. Sa pagdilat muli ng aking mga mata, nakita ko ang aking katawa'y nakahandusay sa kama. 

- robertalmario

Photo and Concept By: robertalmario
Model: Boy Sarmiento

 


Comments

Sonz

Sat, 26 Jul 2008 09:51:15

hmmm....galing nmn..mashadong malalim...For sure, very proud ang pinag alayan mo nyan...God bless!

 

X2

Sat, 26 Jul 2008 12:29:27

astig tsong lumalalim ka na ah...hehehe..ok yan more please.

 

sol soñab / chie

Sun, 27 Jul 2008 11:28:15

ganun ang tunay na nagmamahal pinamumulat sayo na ang isang desisyon na dapat panindigan ay di pwedeng pakawalaan magpakailan man...sa pagsubok ng buhay ay tila unos na sa bawat pagbuhos ay may kaakibat na magandang umaga at di magtatagal ay makakamtan ito tulad ng pagtaas ng araw na may dalang magandang liwanag!!!lakip ko ang matibay nyong pagmamahalan panghabang buhay gaya ng apat na kanto sa kahong ito...ang maging masaya,maging matatag,ang mangarap ng positibo sa gingalawan gaya ng pangarap mo na maging isa kayo...at ang Dios na gumagabay ay sya mong maging sandalan laban sa mga negatibo!tuloy mo kaibigan ang pag lalathala mo sa mga nakikita mo, nararamdaman,malayo pa maratating mo sa nakikita ko.mabuhay ka!ang kapatid mo sa samahan ng mga lobo sumsaludo sa kakayahan mo.

 

Anonymous

Sat, 02 Aug 2008 21:02:23

tagos sa puso...

 



Leave a Reply