Bale 1986 noong una kong nakilala si batman. Wala pang abs-cbn noon, sa BBC-2 pa noon eh panahon ni Marcos na malapit nang mamatay. Wala rin si kris aquino wala pa si boy abunda sikat pa si Herman Moreno noon eh.
Sabi ko, "shet ang galing nito ah" natulala ako noong una kong napanood si batman "shet ang galing nito" sabi ko sa sarili ko "ang galing galing galing ng itsura ni batman" parang kinatam ang mukha. Ang galing ng costume umuumbok ang dibdib pero di pa rin bakat ang utong. Ang galing ng gadgets niya, ang gara ng kotse, ang ganda ng bahay ang galing-galing mag-Ingles, ang galing mangarate actually, pulbos nga ang lahat ng kalaban niya eh. Palagi ko siyang pinapanood tuwing hapon. Palagi akong nakikipag-away sa katulong namin dahil gusto nyang manood ng lotlot and friend at saka that’s entertainment pero ako isa lang talaga ang gusto kong panoorin. Isa lang ang idol na idol na idol ko talaga.
Bale idol na idol na idol na idol talaga ko talaga si Batman dibale na si robin ayoko si robin kase parang bading. Ano nga kaya ang relasyon nila ni Batman? Pero idol ko talaga si Batman. Palagi ko at siyang dinodrowing, lagi ko siyang ginagaya lahat ng bagay na batman gustong gusto ko meron ako. Yung t-shirt ko batman, yung lunchbox ko batman, yung pencilcase ko, yung panyo, yung sombrero, yung toothbrush, yung brief ko lahat yon batman. Mahal na mahal ako ng tatay ko kase kahit mahirap lang kami palagi nya akong binibili ng Batman na bagay pero minsan gusto ko talaga ng batmobile na laruan nagpabili ako sa kanya sabi ko tay bili mo naman ako ng batmobile pero katatae nya lang yata nya non sa trabaho at wala na sya pera kase kasali yata siya noon sa unyon nagwala yata sa ticket line kaya yun natanggal. Kaya kumuha na lng siya ng karak-karak na lata ng sardinas at binutasan na lang at kinabitan ng tansan at dun ko nalaman ang ibig sabihin ng pagmamahal
At lumipas na nga ang mga taon ng si batman ay halos tuluyan ng naglaho mula sa aking alaala. Ngunit sa isang madilim na sulok ng aking kamalayan, alam kong naroon parin si batman. Isang tahimik na aninong nakabalabal sa dilim at misteryo sa loob ng aking utak at kwarto. At mula noon ay nag-iba na ang ihip ng hangin,nagulo na ang ikot ng mundo kumupas na ang kulay ng buhay. Dumaan ang mga kasintahan, ang mga asawa, ang mga taong akala mo mo’y kaibigan yun pala ay tarantado. Mga artistang araw-araw mong napapanood sa tv na mga bobo. Mga pulitikong bobo, mga trabahong maliit lang ang suweldo isang milyon bundok ng problema, isang sakahan ng hinanakit isang mundo ng hinanagpis. Hindi ko na matagalan hindi ko na matiis, hindi ko na kaya.
Ngayon hindi ko na talaga kaya, hindi ko na talaga kaya, hindi ko na kaya. May narinig akong putok mula sa kaibuturan ng aking utak. Bumigay na ang tali sumabog na ang bulkan nabasag na ang pula kaya ngayon. Isang madilim na madilim na gabi ako ay narito ay narito na sa tuk-tok ng isang mataas na mataas na building sa ayala. Ang sarap ng hanging umiihip-ihip sa aking kappa. Nakataas ang aking kamay, nakataas na ang kamay malapit na akong lumipad malapit na akong lumipad.
E pero, bigla kong naisip, hindi naman pala lumilipad si Batman, 'di ba
Hindi naman pala lumilipad si Batman
Hindi naman pala lumilipad si Batman kaya, paalam, malupit na mundo
Paalam, mahal. Paalam po, inay, itay, kuya, ate, lolo, lola, paalam po
Lolo sa tuhod, paalam po. Lola sa siko, paalam po
Bantay, paalam. Muning, paalam. Ewan ko kung sinong 'papakain sa inyo
Paalam po, Aling Tekla. Paalam po, Mang Goryo
Tsaka ko na lang po babayaran yung sukang inutang ko sa yo
Paalam, Junjun, Paalam, Bongbong, Babay, Rose, hoy, babay
Babay Pini, Babay Baby, Babay Pablo, Asis, Rastem, BJ, Jay, sige 'yan
Wowie, sige pare, Pards, Arwin, ingat kayo, Sige paalam.
- Radioactive Sago Project
RSS Feed